Frantsııa úkimeti kıberqaýipsizdikti kúsheıtýdi talap etti
ASTANA. KAZINFORM – Frantsııa úkimeti memlekettik mekemelerge jasalatyn kıbershabýyldar sanynyń artýyna baılanysty derekterdi qorǵaý sharalaryn kúsheıtýdi talap etti, dep habarlaıdy Anadolý agenttigi.
Frantsııanyń Qarjy mınıstri Rolan Leskıýr BFMTV telearnasynyń efırinde keıingi ýaqytta eldiń qarjy mekemelerine jasalǵan kıbershabýyldarǵa qatysty pikir bildirdi.
Mınıstr bılik jaǵdaıdyń qanshalyqty kúrdeli ekenin túsinetinin atap ótip, kıbershabýyldar saldarynan derekteri urlanǵan azamattardan úkimet atynan taǵy da keshirim surady.
Leskıýrdiń aıtýynsha, keıingi jyldary Frantsııa túrli kıbershabýyldarǵa tıisti deńgeıde qarsy tura almaı keledi. Osyǵan baılanysty tehnologııalyq basqarý júıelerin jetildirip, kıberqaýipsizdyq deńgeıin arttyrý qajet.
Sońǵy ýaqytta Frantsııanyń memlekettik mekemelerine jasalǵan kıbershabýyldar jıilegen. Premer-mınıstr Sebasten Lekornıý kıberqaýipsizdyq jónindegi arnaıy top qurýdy tapsyrdy.
Frantsııanyń Ulttyq bilim mınıstrligi men salyq organdaryn qosa alǵanda, birqatar memlekettik mekemege jasalǵan kıbershabýyldar saldarynan júzdegen myń adamnyń derekteri urlanǵan.
Qaıtalanǵan shabýyldarǵa qarsy tıisti sharalardyń qabyldanbaýy Frantsııa úkimetine baǵyttalǵan synnyń kúsheıýine sebep boldy.
Aıta keteıik, biz buǵan deıin ınternet alaıaqtardan qalaı qorǵanýǵa bolatynyn jazdyq.
Al ótken aıda Qytaı kıberalaıaqtarǵa qarsy halyqaralyq odaq qurý týraly bastama kóterdi.
