Frantsııa turǵyny úıindegi baqtan quny 700 myń eýro bolatyn qazyna taýyp aldy

ASTANA. KAZINFORM – Frantsııa kommýnasynyń turǵyny Lıon qalasy mańynda óziniń baǵynan quny 700 myń eýroǵa baǵalanǵan altyn quımalar men monetalar taýyp aldy, dep habarlaıdy BELTA.

Nevıl-sıýr-Son kommýnasynyń turǵyny qazynany basseınge arnap jer qazyp jatqan kezde taýyp alǵan. Altynnyń barlyǵy polıetılen paketke uqyptap oralǵan.

-Óńirlik mádenıet basqarmasy bul isti muqııat zerdelep, onda arheologııalyq qundylyqtardyń joq ekenin anyqtady. Bul degenińiz qazyna ony taýyp alǵan adamdiki degen sóz,-dep jazady France Info.

Quqyq qorǵaýshylar altyn quımalardaǵy belgilerge qarap, olardyń 20 jyl buryn Lıonnyń kásiporyndarynyń birinde daıyndalǵanyn anyqtady. Olardyń málimetterine qaraǵanda, altyn zańdy túrde alynǵan.

Úıdiń burynǵy qojaıyny qaıtys bolýyna baılanysty altyndy ol jerge kim jasyrǵanyn bilý múmkin emes.

Osyǵan deıin Túrkııada iri altyn ken orny tabylǵany týraly jazdyq.

https://kaz.inform.kz/news/turkiyada-r-altin-ken-orni-tabildi-7aa33d/