Frantsııa turǵyny Pıkassonyń €1 mln turatyn kartınasyn 100 eýroǵa satyp aldy
ASTANA. KAZINFORM – Frantsııa turǵyny ataqty sýretshi Pablo Pıkasso týyndysyn nebári 100 eýroǵa alý múmkindigine ıe boldy, dep habarlaıdy Anadolu Ajansı.
Aqparatqa sáıkes, quny shamamen 1 mıllıon eýroǵa baǵalanǵan kartına lotereıa formatyndaǵy qaıyrymdylyq aktsııasy aıasynda oınatylǵan. Utys bıletteriniń árqaısysy 100 eýrodan satylǵan.
Utys «1 Pıkasso 100 eýroǵa» atty qaıyrymdylyq aktsııasy aıasynda uıymdastyrylǵan.
Aktsııa barysynda árqaısysy 100 eýrodan shamamen 120 myń bılet satylymǵa shyǵarylǵan.
Uıymdastyrýshylardyń málimetinshe, jınalǵan qarajat qaıyrymdylyq maqsattarǵa jumsalady. Sonyń ishinde Altsgeımer aýrýyn zertteý jumystaryna qoldaý kórsetiledi. Bul bastama óner týyndylaryn áleýmettik jobalardy qoldaýǵa paıdalaný tetiginiń bir mysaly retinde baǵalanyp otyr.
Al 1941 jyly salynǵan sýretshiniń «Áıel basy» atty týyndysynyń boljamdy quny 1 mıllıon eýroǵa baǵalanyp otyr.
Aıta keteıik, buǵan deıin jazǵanymyzdaı Ispanııa patshasynyń 1609 jylǵy altyn monetasy $3,5 mln-ǵa satylyp, aýktsıon rekordy retinde baǵalandy.
