Frantsııa tarıhyndaǵy eń qysqa merzim: premer 27 kúnnen keıin otstavkaǵa ketti
ASTANA. KAZINFORM — 6 qazan kúni tańerteń Elıseı saraıynda Frantsııa premer-mınıstri Sebasten Lekornıý otstavkaǵa ketý týraly ótinish berdi.
Le Figaro basylymynyń jazýynsha, prezıdent Emmanıýel Makron onyń otstavkasyn qabyldady. Lekornıý Frantsııanyń premer-mınıstri bolyp 9 qyrkúıekte ǵana taǵaıyndaldy, ol nebári 27 kún qyzmet atqarǵan. Bul ony el tarıhyndaǵy eń qysqa merzim jumys istegen premer-mınıstr etip otyr.
Lekornıý jeksenbi kúni keshke jarııalaǵan jańa komanda barlyq jaǵynan synǵa ushyrady.
Frantsýz aqparat quraldarynyń habarlaýynsha, buǵan sheshimniń aldynda mınıstrler kabınetin ózgertýge kúsh salý nıetin málimdegen birneshe oppozıtsııalyq partııanyń senimsizdik votýmy týraly qorqytýy túrtki bolǵan. Elıseı saraıy úkimet basshysynyń mindetin kim atqaratynyn áli jarııalaǵan joq.
Eske sala ketsek, qatań ekonomıkalyq únemdeý josparyna baılanysty týyndaǵan daýly jaǵdaı saldarynan 8 qyrkúıekte Frantsııa parlamentiniń tómengi palatasy premer-mınıstr Fransýa Baırýdy qyzmetinen bosatty.
Aıta keteıik, Fransýa Baırý 2024 jylǵy jeltoqsanda premer-mınıstr bolyp taǵaıyndalyp, úsh aıdan keıin senimsizdikke ushyraǵan Mıshel Barne ornyna keldi.
Buǵan deıin Frantsııada myńdaǵan adam bıýdjetti únemdeý sharalaryna qarsy shyqqanyn jazǵan bolatynbyz.