Frantsııa tarıhynda ekinshi eń uzaq aptap ystyq tirkeldi
ASTANA.KAZINFORM — Bıylǵy shilde aıy el tarıhyndaǵy eń qurǵaqshylyǵy basym aı retinde úshinshi orynǵa shyqty. Bul týraly Anadoly agenttigi jazdy.
Qazirgi ýaqytta Frantsııada jalǵasyp jatqan aptap ystyq tolqyny 22 kúnge sozylyp, temperatýra úzdiksiz joǵarylap barady. Bul — 1947 jyldan bergi meteorologııalyq baqylaýlar tarıhyndaǵy uzaqtyǵy boıynsha ekinshi aptap ystyq kórinedi.
Frantsııanyń ulttyq meteorologııalyq qyzmeti Météo-France málimetinshe, ekstremaldy ystyq 28 shildede bastalǵan. Uzaqtyǵy jaǵynan bul 1983 jylǵy aptaptan keıingi ekinshi kórsetkish. Ol kezde ystyq tolqyny 23 kúnge sozylsa kerek.
Mamandardyń aıtýynsha, bıylǵy ekinshi eń uzaq aptap ystyq 29 shilde, 12 jáne 14 tamyz kúnderi sharyqtaý shegine jetip, aýa temperatýrasy rekordtyq deńgeıge kóterilgen.
Bıyl Frantsııada 1990 jyldan beri temperatýrany júıeli túrde tirkeý bastalǵaly eń ystyq shilde boldy. Aıdaǵy ortasha temperatýra 24,9°C-qa jetken.
Sonymen qatar, 2026 jylǵy shilde meteorologııalyq baqylaýlar tarıhyndaǵy eń qurǵaq shildelerdiń arasynda úshinshi orynǵa jaıǵasty. Jaýyn-shashyn tapshylyǵy 70%-dy quraǵan.
Sarapshylardyń pikirinshe, rekordtyq joǵary temperatýra men jaýyn-shashynnyń azdyǵy orman órtteriniń taralý qaýpin aıtarlyqtaı arttyrady.
Qazir Frantsııa tarıhyndaǵy eń aýqymdy órt qaýpi joǵary maýsymdardyń birin bastan ótkerip jatyr. Bıyl el aýmaǵynda 117 myń gektardan astam jer órtenip ketken.
Eske sala keteıik, buǵan deıin Frantsııada aptap ystyq pen qurǵaqshylyq saqtalyp, orman órtiniń qaýpi aıtarlyqtaı artqanyn jazǵan edik. Eldiń 50 departamentinde qyzǵylt sary qaýip deńgeıi jarııalanǵan bolatyn.
