Frantsııa soty Ilon Maskti X áleýmettik jelisine qatysty is boıynsha tergeıdi
ASTANA. KAZINFORM — Frantsýz medıasynyń málimetinshe, bul istke qatysty tyń málimetterdiń beti ashylǵan. Іstiń algorıtmi ózgeriske ushyraǵan, buǵan sheteldiń yqpal bolýy múmkin ekeni aıtylǵan. Bul iste adamzatqa qarsy qylmys pen balalardy jynystyq zorlyq-zombylyqqa ıtermeleıtin kontenttiń taralýy boıynsha másele qaralyp jatyr, dep jazdy Anadoly agenttigi.
Atalǵan iske qatysty jańa faktilerdiń beti ashylǵany beligili bolyp otyr.
Parıj prokýratýrasy 2025 jyly bastalǵan tergeý sheńberinde Ilon Masktyń búgin jaýap berýge shaqyrylǵanyn, al X kompanııasynyń burynǵy top-menedjeri Lında ıAkkarınonyń 24 sáýirge shaqyrylǵanyn málimdedi.
Sonymen qatar, prokýratýra eger Mask tergeýge kelmeı qalsa, istiń barysyna áser etpeıtinin atap ótti.
Bul is 2025 jyly Eýroparlament depýtaty Erık Botorel X platformasyna qatysty kóptegen shaǵymdarǵa baılanysty aryz bergennen keıin qozǵalǵan.
Tergeý aıasynda 2026 jylǵy aqpanda Parıjdegi X keńselerinde tintý júrgizilgen. Bul jaǵdaı buǵan deıin Masktyń qatań synyna sebep bolǵan.
Eske sala keteıik, jaqynda SpaceX aktsııalary IPO-da satylsa, Ilon Mask tarıhtaǵy alǵashqy trıllıoner atanatyny belgili boldy.
