Frantsııa sherýge shyqqandarǵa 10 myń eýroǵa deıin aıyppul salmaq
ASTANA. KAZINFORM — 28 qazanda Frantsııa Senaty narazylyq aktsııalary barysynda múlikke zalal keltirilse, sol sherýge qatysqandarǵa yntymaqty azamattyq jaýapkershilikti belgileıtin zań jobasyn birinshi oqylymda maquldady, dep habarlaıdy Kazinform agenttiginiń menshikti tilshisi.
Parlamenttiń joǵarǵy palatasy qabyldaǵan mátinge sáıkes, zorlyq-zombylyq, urlyq nemese qıratý úshin qurylǵan topqa bile tura qatysqan nemese quqyq qorǵaý organdary eki ret eskertý jasaǵannan keıin de sherýshi toptan ajyramaǵan tulǵalarǵa, jasalǵan qylmystar týraly derekter bolǵan jaǵdaıda, sol sherýdegi adam basyna 10 000 eýroǵa deıin aıyppul salynbaq. ıAǵnı, sherýge qatysqan adam, bótenniń múlkine óz qolymen zalal keltirmese de, aıyppul arqalaýy múmkin.
Jýrnalıster, táýelsiz baqylaýshylar jáne alǵashqy medıtsınalyq kómek kórsetýshiler úshin erekshe jaǵdaılar qarastyrylǵan.
«Casseurs-payeurs» («buzǵan tóleıdi») dep atalatyn zań jobasyna 229 depýtat qoldap, 105 depýtat qarsy daýys bergen. Osylaısha qujat qabyldandy. Ony ońshyldar, tsentrıstik kúshter, sondaı-aq «Ulttyq birlestik» ókilderi qoldady. Solshyl fraktsııalar qarsy boldy.
Bul bastama 2026 jyldyń mamyr aıynda Parı Sen-Jermenniń ÝEFA Chempıondar Lıgasynyń fınalyndaǵy jeńisinen keıin bolǵan tártipsizdikterge baılanysty ázirlengen bolatyn. Qymbatshylyqqa qarsy 17 qazanda bastalǵan narazylyq aktsııalary kezinde bolǵan qaqtyǵystar qujattyń qabyldanýyn jyldamdatty. Saýda-ónerkásip palatalarynyń derekteri boıynsha, 2500-den astam saýda núktesine zalal keltirelgen.
Senat bekitken nusqada, sonymen qatar áleýmettik járdemaqylar (otbasylyq járdemaqylar, turǵyn úı kómegi jáne RSA) esebinen qarajatty óndirip alý aıasy keńeıtilgen, buryn zorlyq-zombylyqqa qatysqan adamdardyń sherýge qatysýyn shekteý boıynsha qosymsha sharalar engizilgen, keıbir qylmystyq jazalar kúsheıtilgen.
Qujat Frantsııa Ulttyq Assambleıasyna usynyldy. Zań jobasyn synaýshylar, atap aıtqanda solshyl partııalar men adam quqyqtary uıymdarynyń ókilderi, bul beıbit sherýge shyǵý quqyǵyn shekteıdi dep sanaıdy.
Qoldaýshylar bul sharany salyq tóleýshiler men vandalızmnen zardap shekkenderdi qorǵaý úshin qajet dep sanaıdy. Frantsııa tártipsizdikke shaqyrǵan jazbalardy óshirmeıtin áleýmettik jelilerdi buǵattamaq.
Frantsııa bıligi oqýshylardyń talabyna kóndi.
