Frantsııa Senegaldaǵy sońǵy áskerı bólimderin shyǵardy

ASTANA. KAZINFORM – Frantsııa 17 shilde kúni Senegal bıligine eki áskerı nysandy qaıtaryp, 1960 jyldan beri jalǵasqan turaqty áskerı qatysýyn tolyq toqtatty. Bul týraly DW habarlady.

Sońǵy 350 frantsýz áskerı qyzmetkerin shyǵaryp salý qurmetine arnalǵan resmı rásim Senegal astanasy Dakarda ótti.

Osylaısha Frantsııa Batys jáne Ortalyq Afrıkadaǵy burynǵy otar elderden áskerin shyǵarýdy jalǵastyryp otyr. Parıj bul úderisti 2022 jyly bastaǵan.

2025 jyldyń aqpan aıynyń sońynda Frantsııa Kot-d’Ivýar aýmaǵynan, al qańtar aıynyń sońynda Chadtan óz kúshterin tolyq shyǵardy. Buǵan deıin Malı, Býrkına-Faso jáne Nıger elderinde áskerı tóńkeristerden keıin bılikke jańa kúshter kelip, Frantsııamen áskerı yntymaqtastyqty toqtatqan bolatyn.

Qazir Ortalyq Afrıkada Frantsııanyń áskerı qatysýy tek Gabondaǵy bir ǵana baza sheńberinde saqtalǵan. Bul baza jergilikti qarýly kúshtermen birlesip paıdalanylyp otyr.

Sondaı-aq frantsýz áskerı qyzmetkerleri Djıbýtıde qyzmetin jalǵastyrýda.

Aıta keteıik, Frantsııa qorǵanys shyǵyndaryn eki ese arttyrady.