Frantsııa prezıdenti Pavel Dýrovtyń ustalýyna qatysty pikir bildirdi
PARIJ. KAZINFORM – Frantsııa prezıdenti Emmanýel Makron Telegram negizin qalaýshy Pavel Dýrovty ustaýǵa qatysty málimdeme jasady.
Bul – frantsýz bıliginiń alǵashqy qoǵamdyq pikiri.
– Men Pavel Dýrov qamaýǵa alynǵannan keıin Frantsııa týraly jalǵan aqparatty oqyp jatyrmyn. Frantsııa sóz jáne kommýnıkatsııa erkindigine, ınnovatsııa men kásipkerlikke burynǵydan da kóbirek erkindik bergen. Solaı bolyp qala beredi, - dep jazdy Makron X áleýmettik jelisinde.
Je lis ici de fausses informations concernant la France suite à l’arrestation de Pavel Durov.
— Emmanuel Macron (@EmmanuelMacron) August 26, 2024
La France est plus que tout attachée à la liberté d’expression et de communication, à l’innovation et à l’esprit d’entreprise. Elle le restera.
Dans un État de droit,…
Dýrovtyń Frantsııada ustalǵany 25 tamyzǵa qaraǵan túni belgili boldy. Frantsýz aqparat quraldarynyń habarlaýynsha, Dýrov Bakýden jeke ushaǵymen kelgen Le-Býrje áýejaıynda ustalǵan.
– Zań ústemdigi jaǵdaıynda, naqty ómirdegi sııaqty áleýmettik jelilerde azamattardy qorǵaý jáne olardyń negizgi quqyqtaryn saqtaý úshin bostandyqtar zańmen belgilengen sheńberde júzege asyrylady. Frantsııada Telegram basshysyn qamaýǵa alý – júrgizilip jatqan sot tergeýi aıasynda oryn aldy. Bul saıası sheshim emes. Sheshimdi sýdıalar qabyldaıdy, – dep qosty Frantsııa prezıdenti.
Telegram negizin qalaýshysynda Reseımen qatar Frantsııa azamattyǵy da bar. Sondaı-aq onyń Sent-Kıts pen Nevıs araldy memleketi, sondaı-aq Telegram shtab-páteri ornalasqan BAÁ azamattyǵy bar ekeni habarlandy.
Frantsýzdyq TF1 telearnasynyń habarlaýynsha, Dýrov Frantsııada izdeýde jarııalanǵannan keıin, biraz ýaqytqa deıin elge barýdan bas tartqan. Onyń bul joly Frantsııaǵa ne úshin barǵany belgisiz.
Aıta keteıik, Telegram Pavel Dýrovtyń ustalýyna baılanysty málimdeme jasady.
Sot Pavel Dýrovtyń qamaýdaǵy merzimin uzartty.
