Frantsııa prezıdenti: Kórshińiz turaqsyz bolsa, ekonomıkalyq turaqtylyqty saqtaý qıyndaıdy

Qazaqstanda resmı saparmen júrgen Frantsııa prezıdenti Emmanıýel Makron  Maqsut Narikbayev University stýdentterine dáris oqyp jatyr, dep habarlaıdy Kazinform. 

Suraq-jaýap formatynda ótip jatqan dáris kezinde Frantsııa basshysy memleketter arasyndaǵy qaqtyǵystarǵa toqtalyp, Qazaqstannyń osy táýekelderdi qalaı eńserip kele jatqanyna toqtaldy.

«Osyndaı kezeńde beıbitshilik pen áriptestikti, halyqaralyq quqyqty qalaı saqtaı alamyz? Búginde osyndaı máseleler bar ekeni sózsiz. Kórshińiz turaqsyz bolsa, eldegi ekonomıkalyq turaqtylyqty qalaı saqtaı alasyz? Otannyń tynyshtyǵyn qalaı saqtaýymyzǵa bolady? Mundaı kezde biz ishki turaqtylyqty saqtap, óz qundylyqtarymyzǵa myǵym bolýymyz kerek. Menińshe, Qazaqstan Prezıdenti dál sondaı baǵytta jumys istep júr. Sol baǵyttaǵy jobalarmen, ózindik kózqaraspen belesterdi baǵyndyryp jatyrsyzdar», - dedi Emmanıýel Makron.

Onyń aıtýynsha, elder arasyndaǵy qaqtyǵystardan bólek klımattaǵy ózgerister, tsırflyq problemalar da álem úshin ózekti. Frantsııa prezıdenti atalǵan baǵyttardyń bári boıynsha Qazaqstanmen áriptestik jalǵasa beretinin aıtty.

Sondaı-aq ol dáris kezinde Taıaý Shyǵys jáne Izraıl men Palestına qaqtyǵysy týraly da pikir bildirdi.