Frantsııa parlamenti úkimetke senimsizdik votýmyn qoldamady
ASTANA. KAZINFORM — Frantsııa Ulttyq jınalysy Premer-mınıstr Sebasten Lekornıý úkimetine qarsy senimsizdik votýmyn qabyldamady, dep habarlaıdy TASS.
Senimsizdik týraly qarardy 132 depýtat qoldady. Alaıda úkimettiń otstavkaǵa ketýi úshin bastamany keminde 289 depýtat qoldaýy qajet bolatyn.
– Senimsizdik týraly qarar qabyldanǵan joq, – dep málimdedi Ulttyq jınalystyń tóraıymy ıAel Bron-Pıve.
Qarardy Frantsııanyń solshyl partııalary usyndy. Olar úkimettiń aptap ystyqqa daıyndyq sharalaryn jetkiliksiz dep baǵalap, klımattyń ózgerýi máselesine qatysty áreketsizdik tanytty dep aıyptady.
Buǵan deıin Frantsııa, Ispanııa, Portýgalııa jáne Grekııada aýqymdy orman órti jalǵasyp jatqany, soǵan baılanysty bılik myńdaǵan qutqarýshyny jumyldyryp, turǵyndardy jappaı evakýatsııalap jatqany habarlanǵan bolatyn.
