Frantsııa ózdiginen qýattalatyn elektrovelosıped jasap shyǵardy

Pi-Pop velosıpedi energııany saqtaý úshin sýperkondensatorlardy paıdalanady. Lıtıı batareıalarynan aıyrmashylyǵy - olar is júzinde qorshaǵan ortaǵa zııansyz óndirilýi múmkin. Úshinshi býyn elektr velosıpediniń baǵasy 2500 eýroǵa jaqyndady, dep habarlaıdy QazAqparat Euronews saıtyna silteme jasap.

Eýropalyqtar jumysqa kóbine elektrjetegi bar paýerbaık minip barady. Paýerbaıkty zarıadtaý qajet, al akkýmýlıator óndirisi lıtıı tárizdi tabıǵı resýrstardy kóptep qajet etedi. Bul rette jerdiń sırek elementterin shyǵarýda ekologııa úshin qaýip kóp.

Frantsýz kásipkeri Adrıen Lelevr revolıýtsııalyq sheshim oılap tapty.

STEE kompanııasynyń dırektory ári ónertapqysh lıtıı batareıalaryn emes, sýperkondensatorlardy paıdalanatyn Pi-Pop elektrlik velosıpedin patenttedi.

Sýperkondensatorlar - turaqty qýat emes, ımpýlstik qýat kózi. Olar qysqa ýaqyt ishinde joǵary qýat qajet bolǵan jaǵdaıda paıdaly.

Sýperkondensator energııany elektrostatıkalyq túrde saqtaý arqyly, ıaǵnı zarıadty baıaý qozǵaltý arqyly jumys isteıdi. Lıtıı batareıasynda, kerisinshe, energııa hımııalyq reaktsııa arqyly saqtalady.
Basqasha aıtqanda, sýperkondensator qajet kezde energııany óte tez jınap, qajet bolǵan jaǵdaıda bosatady. Adam velosıped basqyshyn aınaldyrǵanda energııa jınalyp, saqtalady, al tejeý nemese kóterilýden keıin qaıta iske qosý sııaqty kúrdeli áreketterde paıdalanylýy múmkin degendi bildiredi.
Orleandyq ónertapqysh Lelevr 20-kelilik Pi-Pop-ty «energııalyq saýlyqtyń sımvoly» dep atady.
Qazirgi kezde Pi-Pop aıyna 100 velosıped shyǵarýda. 2024 jylǵa qaraı kompanııa óndiristi aıyna myń velosıpedke deıin ulǵaıtýdy josparlap otyr.
«2025 jyly biz eýropalyq naryqqa shyǵý nıetimiz bar. Qazir qarjylandyrýdy tartý múmkindigin talqylap jatyrmyz», - dedi Lelevr.
Eýropada sýperkondensator ornatylǵan elektrlik velosıpedter segmenti úshin jaqsy perspektıvalar ashyldy, sebebi eýrodepýtattar 2024 jyldy «velosıped jyly» dep jarııalaýdy usyndy.