Frantsııa Ońtústik Amerıkanyń djýnglıinde qatań rejımdegi túrme salady

ASTANA. KAZINFORM — Frantsýz Gvıanasynyń djýnglıinde asa qaýipti qylmyskerler, sonyń ishinde esirtki saýdagerleri úshin qaýipsizdigi barynsha joǵary túrme salynady. Bul týraly Frantsııanyń Ádilet mınıstri Jerald Darmanen málimdedi.

Mınıstrdiń aıtýynsha, túrme Gvıananyń soltústigindegi Sen-Loran-dıý-Maronı kommýnasynda ornalasady jáne 2028 jyldan bastap alǵashqy tutqyndardy qabyldaıdy. Jobanyń quny 400 mıllıon fýntqa baǵalanyp otyr.

– Meniń strategııam qarapaıym – barlyq deńgeıdegi uıymdasqan qylmysqa shabýyl jasaý, - dedi Darmanen Gvıanada nelikten túrme salynatynyn túsindire otyryp.

Mınıstr esirtkiniń Frantsııaǵa jetkizilý joly sol jerden bastalatynyn aıtty. 500 tutqynǵa arnalǵan túrmede 50 eń joǵary qaýipsizdik kamerasy bolady, onyń maqsaty – esirtki saýdasymen aınalysatyn qaýipti qylmyskerlerdi oqshaýlaý.

Túrme rejımi aıasynda turaqty tintý júrgiziledi, elektrondy baqylaý ornatylady, syrtqa shyǵýǵa derlik jol berilmeıdi. Frantsýz Gvıanasy — qylmys deńgeıiniń joǵarylyǵymen belgili Ońtústik Amerıkadaǵy Frantsııanyń departamenti. 2024 jyly ol jerde adam óltirýdiń rekordtyq kórsetkishi boldy: 100 000 adamǵa shaqqanda – 20,6 kisi. Frantsııada bul kórsetkish 100 000 adamǵa 1,5 kisi bolady.

Eske sala keteıik, Frantsııa burynǵydaı Ýkraınaǵa qarý jetkizýdi arttyra bermeıdi.