Frantsııa NATO-nyń Ormýz buǵazyndaǵy mıssııaǵa qatysý múmkindigin joqqa shyǵardy
ASTANA. KAZINFORM — Frantsııa NATO-nyń Ormýz buǵazyndaǵy mıssııasyna qarsy shyqty. Bul týraly Frantsııa Syrtqy ister mınıstrliginiń resmı ókili habarlady, dep jazady IRNA agenttigi.
Parıj Soltústik Atlantıka alıansynyń Ormýz buǵazyndaǵy operatsııalarǵa qandaı da bir qatysýyna qarsy ekenin málimdep, uıym mandaty Taıaý Shyǵys aımaǵyna taralmaıtynyn atap ótti.
— Frantsııa NATO-nyń Ormýz buǵazyndaǵy yqtımal qatysýyn joqqa shyǵardy, — dedi dıplomat.
Onyń aıtýynsha, alıans mıssııasy uıym qyzmetin bul óńirge keńeıtýdi qarastyrmaıdy.
Frantsııa tarapynyń pikirinshe, Parsy shyǵanaǵyndaǵy keme qatynasynyń qaýipsizdigi strategııalyq teńiz joldaryn shamadan tys mılıtarızatsııalamaıtyn qoldanystaǵy óńirlik jáne halyqaralyq formattar aıasynda qamtamasyz etilýi tıis.
Osydan buryn Iran Ormýz buǵazyn basqarýǵa arnalǵan jańa organnyń qurylatynyn jarııalady.
Sonymen qatar Iran Qytaı kemeleriniń Ormýz buǵazy arqyly ótý tártibin jeńildetti.
