Frantsııa murajaıynan 9,5 mıllıon eýro turatyn keramıka qoldy boldy
ASTANA. KAZINFORM – Frantsııanyń Lımoj qalasyndaǵy Adrıen Dıýbýshe atyndaǵy Ulttyq murajaıdan jalpy quny 9,5 mıllıon eýro bolatyn eki keramıkalyq tárelke men qytaılyq vaza urlandy, dep jazdy Anadoly agenttigi.
Adrıen Dıýbýshe atyndaǵy Ulttyq farfor murajaıy 18 myńnan astam eksponatty saqtaıdy
Jergilikti BAQ-tyń habarlaýynsha, oqıǵa 3 qyrkúıek kúni túnde bolǵan. Urylar tarıhı keramıka úlgileri jınaqtalǵan baı kollektsııa qoıylǵan murajaıdan qundy eksponattardy alyp ketken.
Frantsııanyń mádenıet mınıstri Rashıda Datı amerıkandyq X áleýmettik jelisinde quqyq qorǵaý organdary qylmyskerlerdi ustaý úshin barlyq qajetti sharalardy qoldanyp jatqanyn málimdedi.
Adrıen Dıýbýshe atyndaǵy Ulttyq farfor murajaıy ejelgi dáýirden qazirgi zamanǵa deıingi keramıkalyq ónerdiń negizgi kezeńderin qamtıtyn 18 myńnan astam eksponatty saqtap otyr.
Buǵan deıin Melanııa Tramptyń Slovenııadaǵy qola músini urlanǵan edi.