Frantsııa mektebinde qarýly oqýshy oıran salyp, bir adam qaza tapty

ASTANA. KAZINFORM – Frantsııanyń Nant qalasyndaǵy mektepte pyshaqpen jasalǵan shabýyl saldarynan bir adam qaza taýyp, úsheýi jaralandy, dep habarlaıdy Sınhýa.

Beısenbi kúni Frantsııanyń batysynda ornalasqan Nant qalasyndaǵy mektepte joǵary synyp oqýshysy pyshaqpen adamdarǵa shabýyl jasap, kem degende tórt oqýshyny jaralady. Bul týraly jergilikti BAQ polıtsııaǵa silteme jasap habarlady.

BFMTV telearnasynyń birneshe derekkózge silteme jasap habarlaýynsha, jaralanǵandardyń biri qaıtys boldy.

Telearnanyń málimetinshe, muǵalimder polıtsııa kelgenge deıin shabýyldaýshyny toqtatqan. Kúdikti oqýshy qamaýǵa alyndy.

Oqıǵa ornyna kelgen Frantsııanyń Іshki ister mınıstri Brıýno Retaıo isti shamamen 50 tergeýshi qarastyryp jatqanyn jáne olar tynymsyz jumys istep jatqanyn aıtty. Onyń aıtýynsha, 70-ten asa jaýap alyndy.

Frantsııanyń Premer-mınıstri Fransýa Baırý shabýyldan keıin mektepterdegi baqylaýdy kúsheıtýge shaqyrdy.

Nant prokýrory juma kúni baspasóz konferentsııasyn ótkizip, shabýyl týraly tolyǵyraq aqparat beredi dep kútilip otyr.

Buǵan deıin Shymkentte qala ákiminiń orynbasary Rýslan Berdenovke qastandyq jasalǵan bolatyn. Kúdikti sheneýnikke qaraı úsh ret oq atqan. Oqıǵa saldarynan ákimdik qyzmetkeri jaraqat alyp, aýrýhanaǵa jetkizildi.