Frantsııa ǵaryshty el úshin mańyzdy áskerı aımaq dep atady
ASTANA. KAZINFORM — Parıj 10 mıllıardtan astam evrony ǵaryshtyq qorǵanys júıesin damytýǵa jumsaıdy, bul áskerı josparlaý týraly zań aıasynda júzege asyrylady. Bul týraly Frantsııanyń Áýe kúshteriniń bas qolbasshysy Jerom Bellanje málimdedi, dep habarlaıdy TASS.
Ǵarysh — Frantsııanyń áskerı strategııasynyń mańyzdy baǵyttarynyń biri jáne osy saladaǵy qorǵanysty nyǵaıtý úshin edáýir resýrstar bólinedi. Bul týraly Frantsııanyń Áýe-ǵarysh kúshteriniń bas qolbasshysy general Jerom Bellanje Le Journal du Dimanche aptalyq basylymyna bergen suhbatynda málimdedi.
— Ǵarysh — bul negizgi áskerı baǵyt, sondyqtan Frantsııa 2024–2030 jyldarǵa arnalǵan áskerı josparlaý zańy aıasynda oǵan €10 mıllıardtan astam qarajat bóletini túsinikti, — dedi ol.
Bul zań memlekettik bıýdjettiń €36 mıllıardyn áskerı shyǵyndarǵa baǵyttaýdy kózdeıdi.
Generaldyń pikirinshe, zamanaýı kez kelgen soǵys ǵaryshtan bastalady.
— Keıbir aımaqtarda, atap aıtqanda Taıaý jáne Orta Shyǵys elderinde drondardyń kedergisi spýtnıktik derekterdi paıdalanýǵa bóget bolyp otyr, — dep atap ótti Bellanje.
Buǵan deıin parlamenttik tyńdaýlarda general ǵaryshtaǵy soǵys bastalǵanyn jáne osy salaǵa erekshe nazar aýdarý qajet ekenin málimdegen bolatyn.
Eske salaıyq, Frantsııa 2030 jylǵa qaraı qorǵanys bıýdjetin 76,3 mlrd eýroǵa deıin ulǵaıtady.
