Frantsııa burynǵydaı Ýkraınaǵa qarý jetkizýdi arttyra bermeıdi – Makron

ASTANA. KAZINFORM – Frantsııa prezıdenti Emmanıýel Makron TF1 telearnasyna suhbat berdi, dep habarlaıdy BBC.

- Atysty uzaq ýaqytqa toqtatý Ýkraına úshin asa qajet. Óıtkeni ol ózine tıimdi pozıtsııada kelissózderdi jańǵyrtýǵa múmkindik beredi, - dedi Makron.

- Atys toqtatylǵanda ǵana ol elde qolaıly gýmanıtarlyq jaǵdaı qalyptasyp, terrıtorııalyq máselelerdi talqylaýǵa qaıta kirisýge múmkindik jasaıdy, - dedi Frantsııa prezıdenti.

Bul rette ol 2014 jyldan keıin tartyp alynǵandardy tolyqtaı qatarý múmkindigi joq ekenin ýkraındyqtardyń ózderi de jaqsy túsinetinin atap ótti.

Makron sonymen qatar Frantsııanyń Ýkraınaǵa tehnıka men quraldardy jetkizýde barlyq múmkindikterdi qarastyrǵanyn atap ótti. Endi olar ózderiniń qaýipsizdigin qaterge tige otyryp, qarý-jaraq jetkizýdi arttyra almaıtynyn aıtty, dep jazady TASS.

Eger Reseı atysty 30 kúnge toqtatýǵa kelispese, Eýropa kóshbasshylary sanktsııa máselesine qaıta oralýǵa májbúr bolady.

Bul rette Makron Reseıge qarsy osyǵan deıin de sanktsııanyń birneshe paketi iske asyrylyp úlgergenin aıtyp, eger Reseı atysty toqtatýǵa kónbese aldaǵy kúnderi AQSh-pen kelise otyryp, jańa sanktsııalar salý máselesi qarastyrylatynyn jetkizdi.

Osyǵan deıin AQSh, Eýropa jáne Ýkraına Reseıden 30 kúnge sózsiz bitim jasaýdy talap etkeni týraly jazdyq.