Frantsııa bıligi Ilon Mask pen X áleýmettik jelisine qarsy is qozǵady
ASTANA. KAZINFORM – Parıj prokýratýrasy Ilon Mask pen onyń X platformasyna qarsy aldyn ala tergeý bastady, dep habarlaıdy TASS.
Basylymnyń málimetinshe, tergeý Masktyń 20 sáýirge belgilengen jaýap alý otyrysyna kelmeýine baılanysty boldy. Іstiń bóligi retinde X kompanııasynyń burynǵy bas dırektory Lında ıAkkarınonyń áreketi de tergelip jatyr.
X kompanııasynyń advokaty Kamı Aerı túsinik berý týraly ótinishke jaýap bermedi.
Buǵan deıin Parıj prokýratýrasy X kompanııasynyń Frantsııadaǵy keńselerinde Eýropalyq polıtsııamen jáne Frantsııa jandarmerııasynyń kıberqylmys bólimimen birlesip tintý júrgizgenin habarlaǵan bolatyn. Agence France-Presse aqparat agenttiginiń habarlaýynsha, tergeý áleýmettik jeliniń algorıtmderine qatysty shaǵymdardan keıin 2025 jyldyń qańtarynda bastalǵan.
Esterińizge sala keteıik, buǵan deıin Frantsııa soty Ilon Maskti X áleýmettik jelisine qatysty is boıynsha tergeıtini habarlanǵan.
