Frantsııa, Belgııa jáne Nıderlandyda aptap ystyqtan 3,7 myń adam qaıtys boldy
ASTANA. KAZINFORM – Maýsym aıyndaǵy aptap ystyq kezinde Frantsııa, Belgııa jáne Nıderlandyda keminde 3,7 myń artyq ólim jaǵdaıy tirkeldi, dep habarlaıdy Reuters.
Agenttik taratqan málimetke sáıkes, eń joǵary kórsetkish Frantsııada baıqaldy. Elde 22–28 maýsym aralyǵynda aptap ystyqqa baılanysty 2 025 adam qaza tapqan.
Belgııada 18–29 maýsym aralyǵynda shamamen 1,2 myń ólim tirkelse, Nıderlandyda aptap ystyq saldarynan 480-ge jýyq adam kóz jumǵan. Úsh elde de qaıtys bolǵandardyń basym bóligin egde jastaǵy adamdar quraıdy.
Maýsym aıynyń sońynda Batys Eýropanyń birqatar elin, ásirese Frantsııa, Ispanııa, Italııa jáne Germanııany anomaldy ystyq jaılady.
Frantsııada 24 maýsym kúni Pallıýo kommýnasynda aýa temperatýrasy 43,8 gradýsqa jetip, eldegi meteobaqylaý tarıhyndaǵy eń ystyq kún retinde tirkeldi.
Aıta keteıik, ShQO turǵyndary aptap ystyqqa baılanysty dárigerlerge jıi júgine bastaǵanyn jazdyq.
Al AQSh-ta aptap ystyq saldarynan shamamen 162 mıllıon adamnyń ómirine qaýip tónip tur.
Sondaı-aq mı qaınatar ystyqtyń saldarynan Frantsııanyń ońtústiginde orman órti órshidi.
