Frantsııa ballıstıkalyq zymyrandy synaqtan ótkizdi, ony Makron baqylap otyrdy
ASTANA. KAZINFORM — 6 qazan, seısenbi kúni Frantsııa eldiń batysyndaǵy Fınıster departamentiniń jaǵalaýynda atom súńgýir qaıyqtan ıadrolyq oqtumsyq ornatylmaǵan strategııalyq ballıstıkalyq zymyrandy synaqtan ótkizdi, dep habarlaıdy Sınhýa agenttigi.
BFMTV arnasynyń Frantsııa Qorǵanys mınıstrligine silteme jasaı otyryp habarlaýynsha, zymyran Le Vigilant ıadrolyq súńgýir qaıyǵynan ushyrylyp, jaǵalaýdan birneshe júz shaqyrym qashyqtyqtaǵy Atlant muhıtynyń soltústik bóligine qulaǵan.
Qorǵanys mınıstrligi synaqtyń ıadrolyq oqtumsyqsyz jáne Frantsııanyń halyqaralyq mindettemelerin qatań saqtaı otyryp júrgizilgenin atap ótti.
Synaqtyń barysyn frantsýz áskerı-teńiz fregatynan prezıdent Emmanýel Makron baqylady.
Seriktes agenttik Sınhýa Kazinform úshin arnaıy usynǵan.
Eske sala keteıik, Frantsııadaǵy oqýshylardyń jappaı narazylyǵyna baılanysty Makron shuǵyl keńes ótkizdi.
