Frantsııa álem chempıonatynyń jartylaı fınalyna shyqty
ASTANA. KAZINFORM — Fýtboldan 2026 jylǵy álem chempıonatynda ¼ fınalynda Frantsııa — Marokko kezdesýiniń nátıjesi belgili boldy.
Kezdesý barysynda frantsııalyq fýtbolshylar belsendilik kórsetti. Afrıka qurlyǵyny ókilderi negizinen qorǵanysqa kóbirek kóńil bóldi. Osyndaı sátterdiń birinde marokkolyq qorǵaýshylar óziniń aıyp alańynda Frantsııa shabýylshysy Kılıan Mbappeni shalyp jyqqan edi. Bas tóreshi belgilegen penaltıdi oryndaýǵa onyń ózi shyqty. Shabýylshynyń tepken dobyna afrıkalyq qaqpashy toıtarys berdi. Saldarynan Kılıan Mbappe bıylǵy álem chempıonatyndaǵy óziniń segizinshi golyn soǵýdan tys qalyp qoıdy.
Ekinshi kezeńde de Frantsııa kóbirek shabýyldady. Oıynnyń 60-mınýtynda Kılıan Mbappe gol soqsa 66-mınýtta Ýsman Dembele mergendik tanytty.
Osylaısha Frantsııa quramasy qarsylasynan 2:0 esebimen basym túsip, jartylaı fınalǵa joldama.
Toptyq kezeńde Frantsııa quramasy J tobynda barlyq kezdesýde jeńiske jetti. Olar Senegaldy 3:1, Irakty 3:0, Norvegııany 4:1 esebimen súrindirse, 1/16 fınalda Shvetsııany 3:0, 1/8 fınalda Paragvaıdy 1:0 esebimen qapy qaldyrdy.
Al Marokko S tobynda Brazılııamen 1:1 esebimen teń tússe, Shotlandııany 1:0, Gaıtıdi 4:2 esebimen tize búktirdi. Odan keıin 1/16 fınalda Nıderland (1:1, penaltıden 3:2) jáne Kanada (3:0) quramalarynan basym tústi.
Eki qurama qazirge deıin 5 márte kezdesti. Onyń úsheýinde frantsııalyq qurama basym tússe, ekeýinde teń nátıje tirkeldi.
Sondaı-aq ¼ fınalda Ispanııa — Belgııa, Norvegııa — Anglııa, Argentına — Shveıtsarııa sheberlik baıqasady.
Eske salsaq, budan buryn tartysqa toly oıynda Argentına Mysyrdy jeńip, shırek fınalǵa shyqty.
