Frantsııa Abý-Dabıdegi kelissózderge Eýropa elderi de qatysatynyn málimdedi

ASTANA. KAZINFORM — Frantsııany qosa alǵanda, Eýropa elderiniń ókilderi Abý-Dabıde ótetin Reseı, AQSh jáne Ýkraına arasyndaǵy úshjaqty kelissózderge qatysady. Bul týraly Frantsııanyń syrtqy ister mınıstri Jan-Noel Barro málimdedi, dep habarlaıdy TASS.

Frantsııa Abý-Dabıdegi kelissózderge Eýropa elderi de qatysatynyn málimdedi
Foto: Oxu.az

Frantsııa syrtqy saıasat vedomstvosynyń basshysy Reseı men Ýkraına arasyndaǵy qaqtyǵysty retteý máseleleri talqylanatyn kezdesýge Eýropa ókilderi de qatysatynyn aıtty.

– Eýropalyqtar, sonyń ishinde Frantsııa ókilderi de osy talqylaýǵa qatysý úshin Abý-Dabıde bolady, – dedi Barro RTL radıostantsııasynyń efırinde.

Alaıda mınıstr kezdesýge Eýropanyń naqty qaı elderiniń ókilderi keletinin jáne olardyń kelissózderge qandaı formatta qatysatynyn naqtylamady.

Reseı, AQSh jáne Ýkraına arasyndaǵy úshjaqty kelissózderdiń kezekti kezeńi 10–11 qarashada Birikken Arab Ámirlikteriniń astanasy Abý-Dabıde ótedi dep josparlanǵan. Buǵan deıin Reseı prezıdentiniń baspasóz hatshysy Dmıtrıı Peskov Reseı delegatsııasyn memleket basshysynyń kómekshisi Vladımır Medınskıı basqaratynyn habarlaǵan bolatyn.

Buǵan deıin AQSh kelissózder formatyn Eýropa elderiniń qatysýy esebinen keńeıtý múmkindigin qarastyrǵany habarlanǵan edi. Bul týraly Djared Kýshner málimdep, amerıkalyq taraptyń Eýropadaǵy seriktesterimen konsýltatsııa ótkizýdi josparlap otyrǵanyn aıtqan. Al buǵan deıin Kreml aldaǵy kezdesýge Eýropa ókilderiniń qatysý múmkindigin joqqa shyǵarǵan bolatyn. Sebebi bastapqyda kelissózderdi úshjaqty formatta ótkizý týraly kelisilgen.