Frantsııa 70 jyldan keıin astyq qoryn jınaýǵa kirispek

ASTANA. KAZINFORM — Halyqaralyq turaqsyzdyqtyń kúsheıýine baılanysty Frantsııa bıligi strategııalyq astyq qoryn qurý múmkindigin qarastyryp jatyr, dep jazady TASS.

a
Foto: Úkimet

Frantsııa 1950 jyldary bas tartqan azyq-túlik qoryn saqtaý júıesin qaıta engizýdi kózdep otyr.

Qazir Frantsııada shamamen 4,5 myń astyq qoımasy bar. Olardyń barlyǵyndaǵy astyq qory eldiń negizgi qajettiligin bir aı boıy óteýge jetýi múmkin. Alaıda astyq qoımalary jeke menshik bolǵandyqtan, ıeleri ónimdi shetelge erkin sata alady. Buǵan qosa, qoımalar arnaıy kúzetpen qorǵalmaǵan.

Frantsııanyń astyq óndirýshiler qaýymdastyǵy (AGPB) basshysy Erık Tırýen bılikti memlekettik astyq qoryn qurý jumysyn jedeldetýge shaqyrdy. Onyń aıtýynsha, azyq-túlik qaýipsizdigi strategııalyq mańyzǵa ıe.

Sondaı-aq Frantsııanyń aýyl sharýashylyǵy mınıstri Ennı Jenevard arnaıy jumys tobyn qurýdy tapsyrdy. Top qarasha aıynyń sońyna deıin naqty usynystar ázirleýi kerek.

Bul bastama Eýropalyq komıssııanyń Eýropalyq odaq elderin azyq-túlik qaýipsizdigin qamtamasyz etý sharalaryn kúsheıtýge shaqyrýy aıasynda talqylanyp jatyr.

Aıta keteıik, qazaqstandyq astyqqa shetel suranysy artyp keledi. 2026 jyldyń qyrkúıek–qazan aılarynda el 2,26 mln tonna jańa ónim astyǵyn eksportady. Ásirese Qytaı men Aýǵanstanǵa jetkizilim kúrt ósken.