Frantsııa 6 aqpanda Grenlandııada konsýldyq ashatyn boldy
ASTANA. KAZINFORM — Frantsýz úkimeti 6 aqpanda Grenlandııa astanasy Nýýkta konsýldyq ashatynyn jarııalady. Bul aımaqqa burynǵy AQSh prezıdenti Donald Tramp qyzyǵýshylyq tanytyp, ony óz baqylaýyna alǵysy kelgen, dep habarlaıdy Anadoly.
Frantsııa SІM basshysy Jan-Noel Barro RTL radıostantsııasyna bergen suhbatynda Grenlandııadaǵy energetıkalyq resýrstar men strategııalyq ornalasýyna baılanysty Frantsııa óz qatysýyn kúsheıtkisi keletinin aıtty.
Mınıstrdiń aıtýynsha, Nýýkta frantsýz konsýldyǵyn ashý týraly sheshim osy maqsattyń aıqyn kórinisi sanalady. Bul konsýldyq Frantsııa prezıdenti Emmanýel Makronnyń aralǵa sapary kezinde ótken jyly jarııalanǵan edi jáne resmı túrde 6 aqpanda ashylady.
Osy qadam arqyly Frantsııa Grenlandııada dıplomatııalyq ókildigi bar elder tobyna qosylady.
Tramptyń Grenlandııa jónindegi málimdemeleri
— Eger biz Grenlandııany satyp almasaq, ony Reseı nemese Qytaı satyp alady. Men prezıdent bolyp turǵan kezde bul iske aspaıdy. Áskerı qatysý jetkiliksiz. Menshikte bolý qajet, — dep málimdedi AQSh prezıdenti Donald Tramp Grenlandııa týraly.
Tramp Qytaı men Reseıdiń Grenlandııa mańynda súńgýir qaıyqtar men basqa áskerı kemeler baryn aıtyp, bul jaǵdaıǵa jol bermeıtinin jáne «qaıtadan baqylaýǵa alatynyn» aıtqan.
NATO elderiniń birligin buzýy múmkin be degen suraqqa ol: «Olar bizge bizden áldeqaıda kóbirek muqtaj» — dep jaýap bergen.
«Grenlandııany óz baqylaýyna alý nıeti NATO elderiniń birligin buza ma?» degen suraqqa Tramp bylaı jaýap berdi: «Grenlandııany alý nıeti NATO elderiniń birligin buzbaıdy, óıtkeni olar bizge bizden kóbirek táýeldi».
Aıta keteıik, Grenlandııa — Danııanyń avtonomdy aımaǵy jáne buryn AQSh usynystaryn, onyń ishinde egemendikti berý usynystaryn qabyldamaǵan.
Budan buryn AQSh Grenlandııanyń ár turǵynyna 100 myń dollar tólep, araldy satyp alýǵa nıetti ekenin jazǵanbyz.
Sondaı-aq, AQSh Memlekettik hatshysy Marko Rýbıo zań shyǵarýshylarǵa prezıdent Donald Tramptyń Grenlandııany basyp alýdy emes, satyp alýdy josparlap otyrǵanyn habarlaǵan bolatyn.