Frantsııa 2025 jylǵa qaraı mıgratsııalyq zańnamany kúsheıtpek
ASTANA. KAZINFORM – Jańa zań jobasy qaýip tóndiretin zańsyz mıgranttardy qamaýda ustaý merzimin uzartý sharalaryn qamtıdy, dep habarlaıdy Euronews.
Baspasóz hatshysy Mod Brejonnyń habarlaýynsha, frantsýz úkimeti 2025 jyldyń basyna qaraı kóshi-qon týraly jańa zań qabyldaýǵa nıetti. Onyń aıtýynsha, jańa zań jobasynda qaýip tóndiretin zańsyz mıgranttardy ustaý merzimin 90 kúnnen 210 kúnge deıin ulǵaıtý sharalary qarastyrylady.
«Biz basqa erejelerdi joqqa shyǵarmaımyz. Biz qaýipsizdikke qatysty máselelerdiń ózgerýine beıimdelýimiz kerek», - dedi ol.
Ol sonymen qatar ishki ister mınıstri Brýno Retaıonyń usynylǵan qatań sharalarǵa qatysty ustanymyn qorǵap: «Frantsýzdar qaýipsizdigin qamtamasyz etýdi mindeti sanaıtyn Brýno Retaıo ıdeıalary bar bolǵany úshin keshirim suramaýy kerek», - dep málimdedi. Brejon halyqty qorǵaýǵa kelgende, «eshqandaı tabý» bolmaýy kerek ekenin aıtty.
Bul málimdeme 2024 jylǵy qańtarda kóshi-qon týraly zań qabyldanǵannan keıin bir jyldan az ýaqyt ótken soń jasaldy. Burynǵy zań Makron lagerinde narazylyq týdyryp, densaýlyq saqtaý mınıstri Orelen Rýssonyń otstavkaǵa ketýine ákeldi.
Buǵan deıin Túrkııada 4 myń zańsyz mıgrant ustalǵan bolatyn.
Grekııanyń jaǵalaý kúzeti Egeı teńizindegi Krıt jáne Gavdos araldaryna aıaldaǵan 112 zańsyz mıgrantty qolǵa túsirdi.
