Fransýa Olland Parıjdiń sobor meshitinde boldy
ASTANA. QazAqparat - Frantsııa Prezıdenti Fransýa Olland 10 qańtarda frantsýz astanasynda Respýblıka alańynda 2015 jylǵy lańkestik aktiler qurbandaryn eske túsirýge arnalǵan rásimnen keıin Parıj sobor meshitinde boldy. Bul týraly Elıseı saraıynan habarlady dep jazdy TASS.
«Prezıdent meshit ımamy Dalıl Býbakermen jáne Frantsýzdyń musylman dini keńesiniń basshysy Anvar Kbıbeshpen áńgimelesti, dep habarlady Ollandtyń tóńiregindegi ókilder.
Osy demalys kúnderi Frantsııanyń búkil aýmaǵyndaǵy júzdegen meshitter 2015 jylǵy qańtarda jáne qarashada ıslamshylar qolynan qaza tapqan otandastaryna qaıǵyrǵan frantsýzdarmen yntymaqtastyq belgisi retinde ózderiniń esikterin aıqara ashýǵa uıǵardy.
«Biz ıslam - ashyq din ekenin jáne dinı urandardy jamylyp, lańkestik aktiler uıymdastyratyn jáne adamdardy óltirip jatqan ekstremıstermen eshqandaı ortaq eshteńemiz joq ekenin kórsetkimiz keledi», - dedi Kbebısh.
Osy demalys kúnderi meshitterge kelýshilerdiń bárine shaı men táttiler usynyldy, sondaı-aq olar ıslam tarıhy jóninde dárister, dinı ýaǵyzdardy tyńdady, ımamdarmen áńgimelesti.
Qoǵamdyq aktsııalarǵa Parıj sobor meshitimen qatar shaǵyn qulshylyq etý oryndary da belsene qatysty.
