Fransýa Olland: Nıtstsadaǵy lańkestik kesirinen 50 adam ómir men ólim arasynda jatyr
BRıÝSSELЬ. QazAqparat - Nıtstsadaǵy lańkestik kesirinen taǵy 50 adam ómir men ólim arasynda jatyr. Bul jaıynda Nıtstsadaǵy terrorısti ustaý operatsııasyna qatysqan qaýipsizdik qyzmeti qyzmetkerlerimen kezdesýde Frantsııa Prezıdenti Fransýa Olland málimdedi.
Frantsııa basshysynyń aıtýynsha, 84 adam qaza tapty jáne dárigerler jan saqtaý bólimindegi 50 adamnyń ómiri úshin kúresýde.
«Dárigerlerdiń kómegine muqtaj taǵy 50 adam bar. Olar ómir men ólim arasynda jatyr. Qurbandar arasynda frantsııalyq azamattar jáne jan-jaqtan qydyryp kelgen sheteldikter bar. Óz otbasymen otshashýdy kórýge kelgen kishkentaı balalar da bar», - dedi Olland.
Frantsııa Prezıdenti atap ótkendeı, qazir quqyq qorǵaý organdary qylmyskerdiń sybaılastary bolǵan-bolmaǵanyn anyqtap jatyr.
Fransýa Olland qaýipsizdiń kúshteriniń erligin erekshe atap ótti. Ol polıtsııanyń «Frantsııanyń maqtanyshy» ekenin aıtty jáne Nıtstsanyń qutqarý qyzmeti, órt sóndirýshileri jáne medıtsına qyzmetkerlerine alǵys bildirdi.
«Barsha álem tilekshi bolyp, bizge qarap otyr. Búkil álem bizdi oılaýda», - dep atap ótti F.Olland.
