Fransýa Olland Frantsııadaǵy prezıdent saılaýyna qatysýdan bas tartty
PARIJ. QazAqparat - Frantsııa prezıdenti Fransýa Olland osy elde 2017 jyly ótetin prezıdent saılaýynda óziniń kandıdatýrasyn usynbaıtyn boldy, dep habarlaıdy «QazAqparat» HAA-niń tilshisi.
«Men aldaǵy bolatyn prezıdent saılaýyna qatyspaımyn dep sheshtim»,-dedi Olland Elıseı alańynan berilgen tikeleı efırde.
Ol sózinde óziniń kandıdatýrasyn usynatyn bolsa, Frantsııadaǵy solshyl kúshterdiń birligine qaýip týatynyn aıtty.
«Álem, Eýropa men Frantsııa meniń mandatym kezinde úlken problemalarmen betpe bet keldi. Osyndaı qıyn-qystaý kúnderde men ulttyń birligin saqtap qalǵym keldi»,-dedi ol.
Olland sonymen qatar prezıdent bolǵan kezinde ózin alańdatqan birinshi kezektegi másele «eldiń joǵary múddesi» bolǵandyǵyn atap ótti.
Óziniń baıandamasynda Frantsııa prezıdenti qyzmetiniń basty qorytyndylary týraly aıtyp, Marın Le Pen basqaratyn «Ulttyq maıdannyń» ásireońshyldary tarapynan týyndaıtyn qaýip týraly eskertti. Soǵan qaramastan ol sońǵy aılarda atqaratyn basty mindeti - 2012 jyly ózine senip tapsyrylǵan mandaty negizinde eldi basqarý jumystary bolatynyn aıtty.
Osylaısha, Fransýa Olland qazirgi Frantsııa tarıhynda ekinshi márte saılanýǵa umtylmaǵan tuńǵysh prezıdent bolmaq.
