Fransýa Olland 2013 jyly Astanaǵa saparlaıdy

Bul týraly «Lıter» gazetine Frantsııanyń Qazaqstandaǵy Tótenshe jáne Ókiletti Elshisi Jan-Sharl Bertone habarlady.

«Aldaǵy jyly bizdiń prezıdentimizdiń Astanaǵa resmı saparyn kútýdemiz. Fransýa Olland óziniń aldyn ala kelisimin berip úlgerdi», - dep málimdedi Bertone.

Ol sondaı-aq qyrkúıek aıynda Qazaqstan Prezıdenti Nursultan Nazarbaev telefonmen áńgimelesý barysynda Frantsııa Prezıdentin Astanaǵa sapar jasaýǵa jeke shaqyrǵanyn eske saldy. «Prezıdent Olland bul shaqyrýdy qýana qabyldady. Endi bul sapardyń naqty datasynyń atalýyn kútýdemiz», - dep qosyp ótti dıplomat.

Elshiniń aıtýynsha, aldaǵy sapara aıasynda áńgime halyqaralyq jaǵdaı jáne naqty eki elge tikeleı qatysy bar keıbir óńirlik problemalar, mysalǵa, Aýǵanstandaǵy jaǵdaı jaıynda bolmaq,. Belgili bolǵandaı, Frantsııa óz áskerin bul elden shyǵarmaqshy. «Sondaı-aq Eýroodaq jáne Qazaqstan, sondaı-aq Frantsııa jáne Qazaqstan arasyndaǵy qatynastardy odan ári damytý taqyryptary qozǵalady», - dep qosty Bertone.

Dıplomat sondaı-aq Frantsııa prezıdentiniń aýysýy buǵan deıin Qazaqstanmen joǵary deńgeıde jasalǵan kelisimderge esh áser etpeıtindigin atap ótti. Máselen, Nıkolıa Sarkozıdiń prezıdent retinde Astanaǵa jasaǵan sońǵy sapary barysynda keıingi 20 jylda jasalǵan eń kóp kelisimge qol qoıyldy.

Elshiniń aıtýynsha, joǵary deńgeıde talqylanatyn máselelerdiń taǵy biri - eki astana arasynda tikeleı áýe baǵytyn ashý. Óıtkeni onyń bolmaýy ózara baılanystardyń damýyna qatty áser etýde.