Fransýa Fııon: Munaı - Qazaqstan úshin úlken baqyt qana emes, úlken synaq
«Qazaqstan - baqytty memleket. Sebebi jer qoınaýy óte baı. Qazaqstan ýran óndirisi boıynsha kóshbasshy sanalady. Álem boıynsha munaı qory baı memleketterdiń úshtigine enedi. Eksportynyń 60 paıyzy munaı bolyp tabylady. Bul - óte jaqsy múmkindik. Ol - sonymen qatar úlken synaq. Munaı baǵasy qazirgi ýaqytta barreline 35 dollarǵa deıin quldyrady. Memleketke qysqa ýaqyttyń ishinde beıimdelýi tıis. EKSPO-2017 kórmesin ótkizý de osyǵan baılanysty. Onyń urany - Bolashaq energııasy. Ol osy transformatsııany qalaı ótkizý kerek degen saýalǵa jaýap izdep turǵandaı. Qazaqstan 85 paıyz energııany jer qoınaýy baılyǵy esebinen alady, degenmen bolashaqta transformatsııa jasaýǵa úlken múmkindigi bar», - dep atap ótti F.Fııon.
Onyń sózine qaraǵanda, transformatsııa Qazaqstanda bastalyp ketkendigin erekshe atap ótti. Endi onyń qanshalyqty sátsiz ótkendigin bolashaqta baǵalaýǵa bolady.
«Eýropada transformatsııa úderisi sátsiz boldy. 2008 jylǵy daǵdarys ony bizge anyq ańǵartty. Ekonomıkamyz tolyǵymen quldyrap ketti deýge bolady. Degenmen, ýaqyt óte kele biz beıimdele bastadyq. Kómirqyshqyl gazynyń aýaǵa zııandy zattardyń taralýy azaıyp keledi. Saıasat ta bizdiń shyǵyndarymyzdy qysqartýǵa arnalǵan naqty tetikterdi jasap keledi. Bizdiń sheshimderimiz ben tańdaýlarymyzdyń geosaıası aýqymy men onyń negizgi baǵyttaryn ózge eldermen de júrgizýimiz kerek. Eýropa men Azııanyń qarym-qatynasy damı túsedi. Osy turǵyda Qazaqstan - Azııadaǵy bizdiń basymdyqqa ıe áriptesterimizdiń biri», - deıdi saıasatker.
