Frankfýrtta eski dızeldi kólikterge tyıym salynady
BRıÝSSELЬ. QazAqparat - Maındaǵy Frankfýrtta kelesi jyldyń aqpan aıynan bastap dızeldi qozǵaltqyshpen júretin eski avtokólikterge tyıym salynady. Mundaı sheshimdi Vısbadendegi ákimshilik sot qabyldady, dep habarlaıdy QazAqparat tilshisi.
Sottyń úkimine sáıkes, 2019 jylǵy aqpannan bastap aýanyń azot dıoksıdimen lastanýyn jaqsartý úshin Eýro-4 ekologııalyq standartyna sáıkes emes nemese odan da tómen dızeldi kólikter qalaǵa kirgizilmeıdi.
«2019 jylǵy 1 qyrkúıekten «Eýro-5» sanatyndaǵy dızeldik kólik quraldaryn júrgizýge tyıym salynýy kerek», - delingen sot sheshiminde.
Aıta ketý kerek, EO elderinde dızeldik qozǵaltqyshpen júretin jeńil kólikter keń taralǵan. Jalpy, Eýropanyń 40 paıyzdan astam kólikteri janarmaıdyń atalǵan túrin paıdalanady. Qazirgi tańda ekologııalyq talaptarǵa meılinshe saı keletin Eýro-6 standarty 2014 jyldyń sońynan beri qoldanylyp keledi.
Búginde Germanııada aýanyń bir tekshe metrinde eń joǵary degende 40 mıkrogramm qos qoshqyldy azottan keledi.
