Frankfýrt qalasynda atys boldy
ASTANA. QazAqparat - Germanııanyń Maındaǵy Frankfýrt qalasynda belgisiz bireýler kólikten oq atyp, 3 adamdy jaralady, onyń ekeýiniń jaǵdaıy aýyr, dep habarlady VVS agenttigi.
Polıtsııanyń habarlaýynsha, oq júrip bara jatqan kólikten atylǵan. Kýágerlerdiń aıtýynsha, qalanyń basty polıtseılik ýchaskesi mańynda onǵa jýyq ret oq atylǵan.
«Qylmyskerler týraly naqty aqparat joq. Bizdińshe, bul jerde jergilikti krımınaldyq toptyń qatysy bar», delingen tergeý ókiliniń BAQ-qa bergen málimdemesinde.
Atys Frıdrıh Shtolts alańy mańynda bolǵan. Oqıǵa ornyn polıtsııa qorshaýǵa aldy. Ol jerde neziginen meıramhana, kafeler ornalasqan.
© AP Photo/ Michael Probst
