Frantsýzdyq shyńǵa órmeleýshi Parıjdegi kóp qabatty úıdiń ushar basyna saqtyq sharasynsyz shyqty
ASTANA. QazAqparat - Belgili frantsýzdyq shyńǵa órmeleýshi Alen Rober Parıjde 187 metrlik záýlim ǵımaratty saqtyq sharasynsyz baǵyndyrdy, dep habarlady Gazeta.ru Le Parisien-ge silteme jasap.
Órmekshi-adam dep ataǵy jaıylǵan 53 jastaǵy er adam La-Defans iskerlik oramyndaǵy Total kompanııasy ǵımaratynyń shatyryna 45 mınýtta shyǵyp aldy.
Birneshe jylda bul adam álemniń kóptegen elderinde boldy. 100-den astam záýlim ǵımaratqa órmelegen. Gınnesstiń rekordtar kitabynyń rekordsmeni. Sonyń ishinde ol Máskeýdegi MGÝ ǵımaratyn jáne álemdegi eń bıik ǵımarat - Dýbaıdaǵy 828 metrlik Býrdj-Halıfa ǵımaratynyń ushar basyna shyqqan.
