Frantsýzdarǵa velosıpedpen júrgeni úshin aqy tólenedi
ASTANA. QazAqparat - Frantsııada jumysqa velosıpedpen barǵan adamdardy qarjylaı kótermeleýdi qamtıtyn jyrtyjyldyq tájirıbe bastaldy, dep habarlaıdy Reuters.
Mundaı zertteýler basqa da eýropalyq memleketterde azamattardyń densaýlyǵyn jaqsartý, otyn tutynýdy qysqartý jáne aýanyń lastanýyn azaıtý maqsatynda júrgizilip jatyr.
Keıbir elderde, Nıderlandy, Danııa, Germanııa, Belgııa jáne Ulybrıtanııany qosa alǵanda, jumysqa velosıpedpen baratyn adamdardy kótermeleý júıesi uıymdastyrylǵan. Atalǵan júıeni nyǵaıtý jáne damytý maqsatynda bılik salyq jeńildigi, jumysqa deıingi árbir shaqyrymǵa aqy tóleý jáne velosıped satyp alǵan kezde materıaldyq qoldaý engizý sııaqty sharalardy qabyldaýda.
Velosıpedti nesıege satyp alýdy resimdeýde kómek kórsetý Barselona, London, Stokgolm sııaqty qalalarda ony kólik retinde paıdalanýdyń jıileýine septigi tııýde. Bul júıe 2007 jyly Parıjde paıda bolǵan velosıped prokaty jelisiniń Velib úlgisine negizdeldi.
Frantsııanyń kólik mınıstrligi ókildiginde málimdegendeı, elde shtatynda 10 myń adam bar shamamen 20 túrli kompanııalar men mekemeler qyzmetshilerine jumysqa deıin velosıpedpen kelgen ár shaqyrymyna 25 eýrotsent (12 rýblge jýyq) tóleýge kelisip otyr.
Frantsııanyń kólik mınıstri Frederık Kıývıle (Frederic Cuvillier) eger tájirıbe nátıjesi oıdaǵydaı bolsa, keleshekte bılik neǵurlym aýqymdy joba jasamaq nıette ekenin atap ótti. Mundaı kótermeleý syzbasy velosıpedpen jumysqa baratyn adamdardyń sanyn 50 paıyzǵa arttyra alady, bul úıden jumysqa deıin ortasha 3,5 shaqyrym aralyqpen shamamen 800 mln. shaqyrymdy quraıdy.
