Frantsýzdardyń 60 paıyzy karantın talaptaryn saqtamaıdy – saýalnama
Karantınge baılanysty júrgizilgen saýalnama nátıjesi boıynsha, Frantsııanyń shamamen 60 paıyz turǵyny ekinshi lokdaýn engizilgen soń karantın sharalaryn saqtamaı júrgeni anyqtaldy. Respondentterdiń shamamen tórtten bir bóligi kóshege shyǵý úshin qajetti ruqsatnamany toltyrǵan kezde, úıden ne úshin shyǵyp otyrǵany jaıynda jalǵan aqparat bergenin moıyndaǵan.
Jalpy alǵanda, frantsýzdar ekinshi lokdaýndy asa elemeı otyr. Birinshi jalpyǵa ortaq karantın kezinde saýalnamaǵa qatysqan adamdardyń 40 paıyzǵa jýyǵy ereje buzǵan. Úıden shyǵý úshin jalǵan aqparat berýden basqa, olar úılerinde týystaryn jınap, nemese dostarymen kezdesip júr. Suralǵandardyń shamamen 9 paıyzy súıiktisimen kezdesý úshin úıden shyqqanyn aıtqan. Birinshi lokdaýn kezinde mundaı adamdar sany nebári 6 paıyzdy quraǵan edi.
Saýalnama barysynda kúzdiń sońyna túsken ekinshi lokdaýn birinshisine qaraǵanda adamdardyń moraldik jaǵdaıynan qatty áser etkeni de anyqtalǵan. Suralǵandardyń shamamen 28 paıyzy qaıǵy-ýaıym sezinip júrgenin jetkizgen. Kóktemgi karantın kezinde mundaı sezimde shamamen árbir besinshi adam bolǵan.
Eldiń premer-mınıstri Jan Kasteks lokdaýn merzimi qysqarmaı, kerisshe bir aıǵa uzarý yqtımaldyǵy týraly aıtty.
