Frantsýzdar jalpyulttyq ereýilge daıyndalyp jatyr

PARIJ. QazAqparat – Kásipodaqtardyń úndeýimen jáne solshyl partııalardyń qoldaýymen 19 qańtar kúni Frantsııa kóshelerine ondaǵan myń adam zeınet reformasyna qarsy ereýilge shyǵady. Bul týraly QazAqparat Euronews-ke silteme jasap habarlaıdy.

Marselde aktsııalar merziminen buryn bastaldy: júzdegen demonstrant úkimet usynǵan ózgeristerdi qabyldamaıtynyn málimdep, qalanyń ortasymen júrip ótti.

Reformanyń negizgi bóligi – zeınet jasyn 62-den 64-ke kóterý. Bıliktiń esepteýinshe, bul qazynaǵa jyl saıyn 10 mıllıard eýro túsirýge kómektesedi, al ol qarjy áleýmettik qoldaý shyǵynyn arttyrýǵa múmkindik beredi. Mınıstrler kabınetiniń aıtýynsha, basqa amal joq.
«Faktiler bárimizge belgili. Jumys isteıtinder sany zeınetkerler sanynan azaıyp bara jatyr. 2005 jyly ár zeınetkerge jumys isteıtin eki adamnan keldi. Búgin olardyń sany – 1,7, al erteń 1,5 bolady. Sol sebepti zeınet júıesiniń teńgerimin qalpyna keltirýimiz kerek», - dep atap ótti Frantsııa premer-mınıstri Elızabet Born.
Ereýil saldarynan kólik qozǵalysynda kúrdeli máseleler týyndap jatyr. SNCF ulttyq temirjol tasymaldaýshysynyń málimetinshe, 18 qańtardyń keshinen bastalǵan poıyz qatynasyndaǵy irkilister 20 qańtar tańǵa deıin jalǵasady.
Foto: ru.euronews.com