«Frantsýzdar qazaqtardy tanı tústi» - respýblıkalyq basylymdarǵa sholý

«Egemen Qazaqstan» basylymynyń búgingi sanynda «Jol qurylysy qorytyndylandy» degen taqyryppen maqala jarııalandy. Maqalada keshe Kólik jáne kommýnıkatsııa mınıstrliginde ótken avtokólik joldary kásiporyndarynyń 2010 jylǵy jumys qorytyndylary baıandalǵan. «Elimizde ótken jyly avtokólik joly men respýblıkalyq mańyzy bar joldardy salý úrdisi qarqyndy boldy. Bir ǵana «Batys Eýropa-Batys Qytaı» jolyn mysalǵa alsaq jetkilikti. Óıtkeni avtokólik jolyn salý barysynda kóptegen jańa jumys oryndary ashylyp, sonymen qatar ózge de múmkindikter aıasyn keńeıtkeni belgili. Osy oraıda mınıstr Ábilǵazy Qusaıynov kólik sektoryna bólingen qarajat mólsheriniń 219 mıllıard teńgeden asqandyǵyn atap ótti. Bul kólik jáne kommýnıkatsııa salasyn qarjylandyrý kóleminiń 2001 jylmen salystyrǵanda 8 esege artqandyǵyn bildiredi», - delingen maqalada.

Sondaı-aq «Egemen Qazaqstan» gazetiniń búgingi nómirinde Qazaqstannyń Frantsııadaǵy Tótenshe jáne ókiletti elshisi Nurlan Dánenovten alynǵan suhbat basyldy. Taqyryby - «Frantsýzdar qazaqtardy tanı tústi». Suhbatynda Qazaqstan men Frantsııa arasyndaǵy qarym-qatynastardyń qazirgi jaı-kúıine toqtalǵan Elshi: «Frantsııada Qazaqstanǵa degen qyzy­ǵý­shylyqtyń artyp kele jatqanyna biz­diń Prezıdenttiń Frantsııaǵa sapary ýa­qy­tynda kózimiz jetti. ıAǵnı, 27 qazan kúni Parıj qalasyndaǵy Gıme atyndaǵy belgili Azııa óner mýzeıinde eki eldiń mádenıet mınıstrleri Muhtar Qul-Muhammed pen Frederık Mıtterannyń qatysýymen qazaqstandyq kórmeniń ashylý saltanaty boldy. Frantsýzdarǵa jáne Parıj qonaqtaryna alǵash ret kóshpelilerdiń ejelgi jáne ortaǵasyrlyq mádenıetin baıandaıtyn baı arheolo­gııa­lyq jáne etnografııalyq jádigerlerdiń kollektsııa­lary usynyldy. Mınıstr F.Mıt­teran óziniń sóılegen sózinde ejel­gi kóshpel­i­lerdiń órkenıetteri deń­geı­leriniń joǵary eken­digi jóninde eks­po­nattar kýálendi­re­tinin málimdeı kele, atalǵan kórmeniń erek­sheligin atap kórsetti»-, degen.

***

«Aıqynnyń» seısenbilik nómirinde QR Parlamenti Senatynyń depýtaty Ádil Ahmetovten alynǵan suhbat «Eń qıyny - konsensýsqa qol jetkizip, sheshim qabyldaý», degen taqyryppen jarııalandy.«Tóraǵalyq tizginin áıteýir bireýge berý kerek bolǵandyqtan, bere saldy» degen qate uǵym. 2007 jyly Madrıdte EQYU-ǵa múshe elderdiń Syrtqy ister mınıstrleriniń keńesinde tóraǵalyqty Qazaqstanǵa usynatyn bolyp sheshken. Oǵan deıin uıym basshylyǵynan dámeli elder tipti batys memleketteri arasynda da kóp boldy. Biraq Qazaqstannyń áleýetin jan-jaqty elekten ótkizip, tarazyǵa salyp, ólshep baryp, sheshim qabyldandy», - deıdi S. Ahmetov.

Senatordyń pikirinshe, bul rette ,3h0fnfh faktorlar sheshýshi ról atqardy. Eń aldymen memlekettiń jer aýmaǵynyń kólemi, halqynyń saýattylyǵy men bilimdiligi, jer qoınaýyndaǵy baılyǵy, ekonomıkasy men aýylsharýashylyǵy, metallýrgııasy, energetıkalyq áleýeti esepke alyndy. Tipti qazaqtyń rýhanı mádenıetiniń tereńdigi de eskerildi. «Myń ólip, myń tirilgen» qazaq ne kórmedi?! Keńes odaǵynda Stalın zamanynda deportatsııaǵa ushyraǵan jurttyń barlyǵy Qazaqstandy panalady emes pe?! Sol kezde qazaqtar barymen bólise bildi. Bul qazaqtyń eskiden kele jatqan rýhanı mádenıetiniń tereńdigin pash etti. Sodan keıin Qazaqstannyń geosaıası álemdegi orny mańyzdy. Elimiz - Azııa men Eýropanyń dál ortasynda ornalasqan altyn kópir. ıAǵnı batys pen shyǵysty jaqyndastyrýǵa áleýeti jetedi.

Sondaı-aq «Aıqyn» gazetiniń búgingi sanynda «Qosshysy úshin basshysy jaýap berýge daıyn ba?» degen maqala basyldy. Maqalada: «Parlamenttiń tómengi palatasy «Qosshysy paramen ustalsa, basshysy qyzmetinen qýylady» degen talapty jemqorlyqty aýyzdyqtaýǵa baǵyttalǵan jańa zań jobasyna engizý týraly máseleni kún tártibine shyǵardy. Depýtattardy mundaı qadamǵa májbúrlegen jaıt, memlekettik qyzmetkerlerdiń qysqartylýy bolsa kerek. Olar mundaı jappaı qysqartýlardyń sońy, eldegi jemqorlyq deńgeıiniń ósýine ákep soǵýy yqtımal dep alańdaıdy», delingen. Osy oraıda birqatar elge tanymal azamattardyń pikirleri jarııalanǵan. Máselen, Májilis depýtaty Tıto Syzdyqovtyń paıymdaýynsha, aldyn ala konkýrs jarııalaǵan mınıstrlikter rezervterin de belgilep alady. Túpki nátıjesinde óz adamdaryn jumysqa qabyldaıdy. Tipti keıbir mınıstrlikterde synaq merzimi degen shartpen aldyn ala qyzmetke qabyldaý úrdisi tyıylmaı otyr. Eger, zań jobasy joǵarǵy palatanyń qoldaýyna ıe bolsa, ádiletsizdikke oryn berilip, jemqorlyqtyń biz tanyp bilmegen jańa satysyna jol ashylady.

«Menińshe, «qol astyndaǵy qyzmetkerlerdiń jemqorlyǵyna Birinshi basshy jaýap beredi» degen talapty zańdastyrýǵa bizdiń qoǵam daıyn emes. Eger ony bekitip jibersek, Qazaqstanda ár apta saıyn bir mınıstrdi, ár úsh aı saıyn Premer-mınıstrdi aýystyrýǵa májbúr bolamyz. Eger zań jobasy kúshine ener bolsa, sonaý Shymkenttegi mektep dırektorynyń jemqorlyǵyna Bilim jáne ǵylym mınıstri jaýap bere me? Joq. Óıtkeni órkenıet zańy boıynsha, zań aldynda qara da, han da birdeı. Osydan bes-alty jyl buryn Germanııa kantsleri aıaq astynan otstavkaǵa ketýge ótinish berdi. Keıin belgili bolǵanyndaı, úkimet quramyndaǵy mınıstrlikterdiń biriniń jaýapty hatshysy jemqorlyqqa jol berip alǵan. Al bizde qol astyndaǵy qyzmetkerleriniń biliksizdigin moınymen kóteretin basshylar bar dep oılaısyz ba? Áı, qaıdam. Sondyqtan «depýtattarǵa kótere almaıtyn shoqpardy belge baılamańyzdar» degim keledi», - deıdi saıasattanýshy Dos Kóshim.

***

«Alash aınasy» basylymy búgingi nómirinde «Shyǵystyń ekologııalyq ahýalyn shyndap qolǵa alatyn kez jetti», degen taqyryppen maqala jarııalady. «Shyǵys Qazaqstan oblysynyń ekologııalyq ahýalynyń nasharlyǵy jóninen elimiz boıynsha «kósh bastap» tur. Polıgon synaqtarynyń alańyna aınalyp, 40 jyl qyrǵyn kórgen, dalasy ǵana emes, balasy da ýǵa tunshyqqan, nebir aýyr azap tartsa da, áli kúnge laıyqty járdem kóre almaı joǵaryǵa jaltaqtaǵan Semeıiń - anaý. Kúnnen-kúnge aýasy tarylyp, zaýytymen qosa, halyqqa tıgizer zalaly qatar artqan Óskemeniń - anaý. Sýy sý emes, jyldan-jylǵa ýǵa aınalyp bara jatqan esil Ertis, Baıqońyrdan ushqan Reseı zymyrandarynyń proton jaryqshaqtarynan beıbit kúnde berekesi ketken Kúrshim halqy...» deıdi maqala avtory. Elimizdiń shyǵys aımaǵyndaǵy ekologııalyq máselelerdi sóz etken maqala avtory Óskemenge «Nur Otan» partııasy tóraǵasynyń birinshi orynbasary Nurlan Nyǵmatýlınniń arnaıy kelgendigin, sóıtip aımaqtyń ekologııalyq problemasymen tanysqanny jazady.

Sondaı-aq «Alash aınasy» basylymynda QR Ekonomıkalyq damý jáne saýda mınıstri Janar Aıtjanovadan aldynǵan suhbat Qandaı da bir daǵdarysqa elimizdiń árbir salasy tótep berýi tıis dep oılaımyn» degen taqyryppen basyldy. «Qazir meni tolǵandyryp otyrǵan dúnıe otandyq ónim salasyna qatysty. Qazirde Elbasy Nursultan Nazarbaev otandyq ónim óndirýshilerdi qoldaý qajettigin, kúni erteń dúnıejúzilik naryqta elimizdiń ataq-abyroıyn asqaqtatatyn óz brendi bolýy kerektigin jıi eske salady. Osyǵan qaraı biz de otandyq ónim óndirýdiń salmaǵyn, sapasyn arttyrýǵa qatysty birqatar is atqaryp kelemiz. Bul rette bizge áserese tehnologııalyq turǵyda tegeýrindi bolý kerek», degen suhbatynda mınıstr.