Frantsýzdar fýtboldan álem chempıonatynyń fınalyn qaıta oınaýǵa qol jınaýda

ASTANA. QazAqparat – Frantsýz jankúıerleri Qatarda Frantsııa men Argentına quramalary arasyndaǵy álem chempıonatynyń fınalyn qaıta oınaýdy talap etetin ınternette petıtsııaǵa qol jınaýda, , dep habarlaıdy QazAqparat Championat saıtyna silteme jasap.

Fınalda frantsýzdar penaltı serııasynda jeńilip qalǵan edi.

Petıtsııa frantsýzdyń arnaıy MesOpinions saıtynda qurylǵan. Avtorlar «satylyp alynǵan tóreshilikke» baılanysty fınaldy qaıta oınatýǵa shaqyrady. Petıtsııany Halyqaralyq fýtbol federatsııasyna (FIFA) qaraýǵa jiberý josparlanýda. Qazirgi ýaqytta álem chempıonatynyń fınalyn qaıta oınatý týraly ótinishke 196 myńnan astam adam qol qoıǵan. Katardaǵy 2022 jylǵy álem chempıonatyndaǵy jeńis Frantsııa quramasy úshin qatarynan ekinshi jáne tarıhtaǵy úshinshi jeńis bolýy múmkin. Dıde Deshamnyń komandasy matchtyń negizgi ýaqyty boıynsha 0:2 esebimen oınady, kezdesý overtaımǵa aýysyp, onda ol 2:3 esebimen jeńilip qalǵan edi. Biraq fınalda het-trık jasaǵan shabýylshy Kılıan Mbappe esepti qaıta teńestirdi. Penaltı serııasynda Frantsııa 2-4 esebimen jeńilip qaldy.

Eske sala keteıik, Penaltı serııasynda Frantsııany jeńgen Argentına úshinshi ret álem chempıony atandy. Argentınadaǵy fýtbol merekesi kezinde jankúıer kóz jumdy. Argentına halqy chempıondaryn zor qoshemetpen kútip aldy.

Parıjde 50 myń frantsýz jankúıeri Qatardan oralǵan fýtboldan ulttyq quramany qoshemetpen qarsy aldy. Fýtboldan álem chempıonatyna qatysqan quramalardyń qansha syıaqy alatyny belgili boldy.

Foto: championat.com