Frantsýzdar endi jumystan soń smartfondaryn sóndirip tastaýǵa quqyly
ASTANA. QazAqparat - Jańa zań talaptary 2017 jyldyń 1 qańtarynan bastap, jumysshylardyń basshylarynyń jumystan tys ýaqytta jiberetin habarlamalaryn nazardan tys qaldyrýlaryna quqyq beredi, dep habarlaıdy The Guardian.
Osylaısha jumysshylardyń jeke ómirine beriletin ýaqyt pen demalystarynyń tolyq qamtamasyz etilýi zańmen rettelmek.
Bul bastamaǵa Frantsııanyń Eńbek mınıstri bastamashy boldy.
Al, Frantsııanyń kásipodaq uıymdarynyń ókilderi onsyz da tsıfrlyq qurylǵylardy qoldanýdyń sońy aqysy tólenbeıtin ýaqyt kólemin ulǵaıtyp, sharshaý, uıqysyzdyq sııaqty áreketterge alyp keledi dep alańdap júrgen.
Basylymnyń jazýynsha, jumys berýshiler mundaı talaptardy múmkindiginshe oryndamaýǵa tyrysary anyq. Degenmen, atalmysh talaptar oryndalmaǵan jaǵdaıda jumys berýshiler úshin qandaı da bir jaza qarastyrylmaǵan.
