Frantsýzdar 62 jasqa deıin jumys istegileri kelmeıdi
ASTANA. Qyrkúıektiń 23-i. QazAqparat - Frantsýz kásipodaqtary zeınetaqy júıesin reformalaý jobasyna narazylyq retinde jańa jalpyhalyqtyq ereýil ótkizbek. Uıymdastyrýshylar, manıfestatsııalarǵa 3 mıllıondaı adam qatysady degen úmitte.
Ereýildermen baılanysty kólik júrisinde problemalar oryn alýy yqtımal. Temirjoldar saparlardyń jartysyn, áýejaılar da sol shamalas ushý saparlaryn toqtatýǵa májbúr bolǵaly otyr.
Osyndaı ereýil Frantsııada qyrkúıektiń 7-sinde ótken bolatyn. Bul jolǵy ereýil zeınetaqy reformasynyń Senattaǵy talqysynyń qarsańynda uıymdastyrylyp otyr. Frantsýz parlamentiniń tómengi palatasy úkimet usynǵan jobany maquldap qoıdy.
Jurtty shýlatyp otyrǵan bul reformada, atap aıtqanda, zeınet jasyn 60-tan 62-ge deıin kóterý qarastyrylǵan.
