Frantsýz zeınetkeri kúnine $1 jumsaı otyryp, 250 eldi aralap shyqqan

NUR-SULTAN. QazAqparat – Frantsııa turǵyny Andre Brejere búginde 83-te. Ol 17 jasynan saıahattaı bastaǵan, dep habarlaıdy QazAqparat.

Ol kezde Andreniń saıahattaýǵa aqshasy bolmaǵan, alaıda álemdi aralap, ony mekendeıtin adamdarmen tanysýǵa degen zor qulshynysy táýekelge bel býǵyzǵan.

Sol kezde Andre mynadaı ereje oılap tabady – saıahat barysynda kúnine bir dollardan artyq jumsamaý. Osylaısha, frantsýz 251 eldi aralap, barlyǵy 400 myń shaqyrym jol júrgen.

Óziniń alǵashqy saıahatyn ol Shotlandııaǵa jasaǵan.

- 1955 jyly bizdiń qolymyzda qazirgi týrısterde bar dúnıelerdiń eshqaısysy bolmady, - deıdi frantsýz. – Eshqandaı qosymsha, eshqandaı telefon, tek qaǵazǵa túsirilgen karta men kompas, jáne adamdarmen tildesý, suraq qoıý men sypaıylyq tanytý qabiletteri boldy.

Andre kúre joldarda jolaı kólikterge minip, jyljyp otyrdy. Ol ushaqpen ushyp kórmegen, meıramhanalarda tamaqtanbaǵan, tipti keı kezderi dalada túnegen.

- Meniń saıahattarym – meniń ýnıversıtetterim, men onda ózimdi jáne qorshaǵan ortany túsinýdi úırendim, - deıdi qart saıahatshy.