Frantsýz soty Feısbýktaǵy dostardy naǵyz dos emes dep atady
ASTANA. QazAqparat - Frantsııanyń kassatsııalyq soty Feısbýktaǵy dostardy shynaı dos emes dep atady. Bul týraly eldiń joǵarǵy sotynyń saıtynda jarııalanǵan resmı qaýlyda habarlandy, dep jazdy Le Figaro.
Qaýly mátininde baıandalǵandaı, áleýmettik jelilerdegi dostyq bul sózdiń týra maǵynasynda qabyldanbaıdy.
Atalǵan sheshimdi sot frantsýz zańgeriniń advokattar alqasyndaǵy alty músheni shyǵarý jónindegi talap aryzyn qaraý kezinde qabyldady. Aryzdanýshy olardyń Feısbýk jelisinde bir-birimen dos ekenin jáne bul olardyń «pikir beıtaraptylyǵyna» yqpalyn tıgizetinin aıtqan.
Sot zańgerdiń bul ýájimen kelispedi jáne «áleýmettik jelilerdegi dostyq alqa sheshimine esh yqpalyn tıgizbeıdi» dep uıǵardy.
