Frantsýz sazgeri 3D-prınterden skrıpka shyǵardy
ASTANA. QazAqparat - Qytaıda 3D-prınterdiń kómegimen ǵımarattar salynǵan bolsa, amerıkalyqtar reaktıvti qozǵaltqysh basyp shyǵardy. Endi atalǵan tehnologııa boıynsha mýzykalyq aspaptardy da shyǵarý jolǵa qoıylypty. Tipti kúrdeli aspaptar da esh qıyndyq týdyrmaıdy eken.
3Dvarius - 3D-prıntermen basylǵan elektrli skrıpka. Resmı túrde berilgen aqparatqa oraı, atalǵan mýzykalyq aspap 3D-basylym tehnologııasy negizinde qurastyrylǵan. 3D-prınter skrıpkanyń naqty qańqasyn jasaı alǵanymen dástúrli skrıpkanyń tolyq nusqasyna uqsamaıdy. Degenmen onyń syrtqy kórinisi zamanaýı dızaın úlgisi dep tanyldy.
Bir qyzyǵy, mýzykalyq aspapqa tús berilmegen. Qurastyrýshylardyń aıtýynsha, baspadan shyqqan kúńgirt-aq tús ózge árleýdi qajet etpeıdi. Sebebi bul onyń naqty qaı tehnologııa negizinde jasalǵanyn aıǵaqtap turady, dep jazady massaget.kz.
