Frantsýz saıahatshylary velosıpedpen Shymkentke keldi
ShYMKENT. QazAqparat - Frantsýz velosaıahatshylary Shymkentke keldi. Sheteldikter shym shahardaǵy frantsýz ortalyǵynda stýdenttermen jáne oqytýshylarmen kezdesti, dep habarlaıdy QazAqparat HAA tilshisi.
Frantsııa eliniń zeınetkerleri ońtústikke kelgenge deıin velosıpedpen álemniń jartysyna jýyǵyn aralap shyqqan. Morle qalasynda turatyn erli-zaıyptylar Bernadett Elýe men Rıshar Delıavo mundaı saıahatqa shyǵýdy ómir boıyna armandap kelgenin aıtady. Ekeýi de zeınetkerlikke shyqqannan keıin armandaryn júzege asyrypty. Olardyń bul saıahaty qyzyqty bolǵany sonshalyq, jarty jolda olarǵa Bernadettiń sińlisi Sımona qosylǵan eken.
«Biz Shyǵys jáne Batys Eýropany túgel aralap shyqtyq. Keıin Kavkaz elderinde boldyq. Endi Qazaqstannyń qalalaryn tamashalaýdamyz. Alban elinde joldar nashar bolǵany bolmasa, jolda qıyndyqtar bolmady. Árbir memleket ózdiginshe erekshe, sulý. Mundaı saparymyzǵa qýanbasaq, ókinbeımiz», - deıdi Bernadett Elýe.
