Frantsýz Remı Dı Gregorıo men avstrııalyq Saımon Klark «Astana» velokomandasymen 2011 jyldyń maýsymyna arnalǵan kelisimshartqa qol qoıdy
ASTANA. Qyrkúıektiń 8-i. QazAqparat - Frantsýz Remı Dı Gregorıo men avstrııalyq Saımon Klark «Astana» velokomandasymen 2011 jyldyń maýsymyna arnalǵan kelisimshartqa qol qoıdy, dep habarlaıdy komandanyń baspasóz qyzmeti.
25 jastaǵy Remı Dı Gregorıo Týr de l'Avenır-2006 satysynda alǵash ret ózin joǵary deńgeıde kórsetken. Frantsýz velojarysynyń jas juldyzy pro-týrdyń taýly satysynda «Astana» komandasy kóshbasshylarynyń qataryn kóbeıtedi dep kútilýde.
Al Saımon Klark 2008 jyly, 22 jasynda «Avstralııa úmiti» ataǵyna ıe bolǵan. 2009 jyldan beri Italııanyń qazirgi chempıony, ISD-Neri komandasynda óner kórsetip keledi.
