Frantsýz prokýratýrasynyń ókili Ábilázovtiń qalaı tutqyndalǵanyn habarlady
ASTANA. 1 tamyz. QazAqparat - Frantsııada senbi kúni tutqyndalǵan Qazaqstannyń qýǵyndaǵy olıgarhy Muhtar Ábilázov Ýkraınaǵa estradıtsııalanýy múmkin, dep habarlady Bı-Bı-Sı.
Frantsýz prokýratýrasynyń ókili Reıter agenttigine Ábilázovtiń ýkraın tarapynyń ótinishine oraı tutqyndalǵandyqtan, sirá, Ýkraınaǵa ekstradıtsııalanýy múmkin ekenin habarlady..
BTA bankiniń burynǵy dırektorlar keńesiniń basshysyn, qazaqstandyq úkimettiń burynǵy mınıstrin ekstradıtsııalaýǵa birden úsh el: Qazaqstan, Reseı jáne Ýkraına qol jetkizýge tyrysyp otyr.
Qazaqstanda olıgarhty qyzmet babyn asyra paıdalanyp, bıýdjettik aqshany urlaýǵa jáne jasyryn kommertsııalyq qyzmetpen aınalysýǵa aıypty dep tanydy.
Reseıde Ábilázov BTA-bankiniń aktıvterin zańsyz shetelge shyǵarǵany jáne alaıaqtyǵy úshin aıyptalyp, syrttaı tutqyndaldy.
Ýkraınanyń quqyq qorǵaý organdary Ábilázovke banktiń ýkraın fılıalynyń qyzmetine qatysty aıyp taǵyp otyr.
Sonymen birge, Brıtan bıligi buryn Ábilázovqa saıası baspana bergen bolatyn, 2012 jyly Londonda sot Ábilázovti sotty syılamaǵany úshin syrttaı tutqyndady.
Ábilázovtiń ózi Qazaqstan bıligi ony oppozıtsııalyq partııalarǵa qarjylyq qoldaý kórsetkeni úshin qýdalaýda degen sendiredi.
