Frantsýz Polınezııasynda karantın sharalary kúsheıtildi

BELЬGIıA. QazAqparat – Frantsýz Polınezııasynda COVID-19 jaǵdaılarynyń kúrt kóbeıýinen mektepter jabylyp, karantın sharalary kúsheıtildi, dep habarlaıdy QazAqparattyń menshikti tilshisi Halyqaralyq frantsýz radıosyna silteme jasap.

Arhıpelagta Frantsııa úshin koronavırýs juqtyrýdyń rekordtyq kórsetkishi tirkelýde – ótken aptada ár 100 myń adamnyń 2 800-i vırýs juqtyrǵan. Osylaısha, ár apta saıyn halyqtyń 3%-y koronavırýs juqtyryp otyr.

Endi Frantsııanyń teńizdiń arǵy jaǵyndaǵy qaýymdastyqtardyń barlyǵy bilim berý mekemeleriniń jumysyn toqtatýǵa májbúr. Frantsýz Polınezııasynda engizilgen shekteýler Frantsııadaǵy birinshi lokdaýn kezindegi shekteýlerge uqsaıdy.

Alǵashqy qajettilik taýaryn satpaıtyn dúkender jabylady. Keshki 8-den tańǵy 4-ke deıin komendant saǵaty engiziledi. Qalǵan kezderi tek mańyzdy sebeppen ǵana syrtqa shyǵýǵa ruqsat etiledi.

Arhıpelagtaǵy jaǵdaıdy onyń Frantsııa aýmaǵynan alys ornalasqany qıyndatyp otyr. Frantsııanyń qurlyq bóliginde ornalasqan óńirlerdegi COVID-19-dyń aýyr túrlerimen aýyratyn naýqastardy jansaqtaý bólimsheleri tolmaǵan Parıj qalasyna nemese basqa iri qalalarǵa aýystyryp jatady.

Frantsýz Polınezııasynda mundaı múmkindik múlde joq – eýropalyq kontınent pen Taıtı arasy 15 myń shaqyrym.

COVID-19 juqtyrý jaǵdaılarynyń kúrt kóbeıýi vaktsınalaýdyń tómendigimen baılanystyrylyp otyr. Frantsııanyń qurlyqtyq bóliginde halyqtyń 60%-y vaktsına alǵan.

Arhıpelagta vaktsınanyń eki dozasyn 270 myń halyqtyń 90 myńy, ıaǵnı 30%-y ǵana alǵan.

Avtory Arnur Raqymbekov