Frantsýz qyzy qazaq tilinen dıssertatsııa jazyp júr
ASTANA. QazAqparat - YouTube jelisindegi «Kuan 7777» arnasy Ulybrıtanııanyń London qalasynda turatyn frantsýz Nadejda Krıstofer týraly beınebaıandy jarııalady. Doktorant N.Krıstofer qazaq tiliniń sıntaksısine arnalǵan ǵylymı jumysyn jazyp júr. Ózi de qazaq tilin biledi. Búginde ol Qazaqstanǵa taǵy barsam eken dep, armandap júr, dep xabarlaıdy QazAqparat tilshisi.
«Men Astanada toǵyz aı turdym. Onda qazaq tilin úırendim. Menińshe, qazaqtar óte qonaqjaı, jyly, aqyldy jáne qaıyrymdy. Qazaqtyń áıelderi óte ádemi, al qazaq jigitteriniń túsinigi mol jáne salmaqty», - deıdi ol.
Doktoranttyń aıtýynsha, oǵan jylqy eti, ásirese, qazaq xalqynyń ulttyq taǵamy - qazaqsha et qatty unap qaldy. Qazaq tilin úırenýge de ol qatty qyzyqty.
«Qazaq tili - óte qyzyqty til. Menińshe, qazaq tili - qıyn til. Biraq adam úırengisi kelse, meńgerýge bolady. Qazaq tili - óte ádemi til. Maǵan qazaqtyń ádebı tili óte qatty unaıdy», - dedi Nadejda.
