Frantsýz Ksave Shevra elektrmen júretin fýrgonymen Afrıkada 5 myń shaqyrym júrip ótpek
ASTANA. 14 mamyr. QazAqparat - Frantsýzdyq saıahatshy ári aǵylshyn tiliniń muǵalimi Ksave Shevra Citroen Berlingo elektrmen júretin fýrgony arqyly Afrıka aýmaǵynda 4800 shaqyrym jol júrip ótpek.
Bul jaıynda BUUnyń qorshaǵan ortan qorǵaý baǵdarlamasynyń saıtynda aıtylǵan.
Shevranyń baǵdary Kenııanyń astanasy Naırobıden bastalyp, Tanzanııa, Zambııa, Zımbabve, Botsvana memleketterin basyp ótip, birjarym aıdan keıin Ońtústik Afrıka Respýblıkasynyń Iohannesbýrg qalasynda aıaqtalady. Aıta keterligi, bul frantsýzdyq saıasatshynyń úshinshi sapary. Ol buǵan deıin 2008 jyly ekologııalyq taza mototsıklmen Frantsııadan Qazaqstanǵa saparlaǵan bolatyn. Odan keıin 2010 jyly elektromobılmen Shanhaıdan Parıjge deıingi aralyqtaǵy 13,5 myń shaqyrym joldy júrip ótken edi. Onyń atap ótýinshe, osy sapary barysynda ol elektr energııasyna nebári 200 dollar jumsaǵan. Al egerde dál osy aralyqty dızeldi kólikpen júrip óter bolsa, oǵan shamamen 4 myń dollar jaratylar edi.
